Офелија Бајо е дипломиран правник со правосуден испит. Работела во Царинска управа каде има 21 годишно искуство и од почеток на својата кариера во Царинска управа, работи во повеќе сектори, а фокусот на својата работа ја става на царински постапки, нивното поедноставување и  олеснување на трговијата. Учествува во повеќе Проекти во рамките на Царинска управа, а еден од позначајните е имплементација на системот за електронска обработка на декларации и акцизни документи, како негов проектен менаџер. Во тек на кариерата ангажирана е како учесник на повеќе домашни и меѓународни семинари и конференции од областа на царински постапки. Својата кариера ја продолжува како оперативен менаџер во Ред шпед ДООЕЛ, компанија со основна дејност шпедиција, транспорт и складирање, како и пружање на консултантски услуги.

Миљан Димитријевиќ, консултант со долгогодишно меѓународно менаџерско искуство, експерт во областа на продажбата, консултант со искуство во управување со големи тимови,кој има реализирано голем број консултантски проекти во областа на продажбата. Како деловен консултант, во последните 10 години има работено во голем број компании во регионот. Своето деловно искуство, знаење и компетенции Миљан ги стекнува и унапредува работејќи во реалниот сектор, како претприемач и како вработен, во мали, средни и големи компании, домашни и меѓународни, како и на различни раководни позиции, вклучително и позицијата генерален директор.

Има спроведено стотици отворени и in-house семинари, обуки и работилници кои во најголем дел се практично ориентирани и димензионирани според специфичните барања на клиентите, додека посебно внимание се посветува на трансферот на знаењето и искуството претходно стекнато и проверено во пракса. Своето знаење го усовршува преку постојана практична работа со клиенти и континуирано образование.

Проф. д-р Ристе Темјановски е редовен професор на Економски факултет при Универзитетот „Гоце Делчев“ - Штип, Република Македонија. Академски професор со долгогодишна практика на работа во високото образование и економската и претприемничка заедница. Во сферата на консултативните и едукативните активности, поседува и пренесува вештини во во областа на транспортот и логистика, управувањето со синџирот на снабдување и просторната и дигитална економија.

Карло Змајшек, поседува повеќе од 30 годишно искуство во делот на шпедитерското работење. Член е на МИФА (Македонската асоцијација на мегународни шпедитери и логистички оператори) од нејзиното основање во 1993 година. Во рамките на разни проекти и унапредување на знаењата има одржано повеќе од 200 интерактивни обуки од надворешно трговското работење, најмногу за Инкотермс. Автор е на книгата „Практичен прирачник за правилата ИНКОТЕРМС 2010“. Долгогодишен член на комисијата за полагање за лиценци за царинските посредици во Царинска управа. Исто е и обучувач во програмата за обука на царинските застапници. Активен директен учесник во секојдневните шпедитерските активности и предизвици во Макпетрол А.Д. каде во моментов работи во Секторот за транспортна логистика.