Врз основа на член 66 став 3 од Законот за тутун, производи од тутун и сродни производи (*) („Службен весник на Република Северна Македонија“ бр.98/19, 27/20 и 56/21), министерот за земјоделство, шумарство и водостопанство, донесе

Со овој правилник се пропишува видот на штетни материи, како и начинот и методите на земање примероци за утврдување на штетните материи и други загадувачи/контаминенти (физички, хемиски и биолошки) во обработениот тутун и производи од тутун.

Штетните материи во обработениот тутун и производите од тутун се делат на следните видови:

Утврдувањето на видот на штетните материи и дру- ги загадувачи/контаминенти во обработениот тутун и производите од тутун се врши на следниот начин:

Начинот и методите на земање на примероци за утврдување на штетните материи од физичко потекло во обработениот тутун и производите од тутун се вршат согласно член 11 од Правилникот за максимално дозволени количини на радионуклиди во храна, вода, воздух, земјиште, производи и суровини од животинско и растително потекло и предмети за општа употреба.

Обработениот тутун и производите од тутун (без опаковга, без цигарна и филтер хартија, како и без филтер), сметано на тежина од 1 kg не треба да ги сод- ржат следните видови на тешки метали и металоиди:

-               кадмиум повеќе од 1 mg;

-               жива повеќе од 3 mg;

-               арсен повеќе од 3 mg;

-               олово повеќе од 10 mg;

-               хром повеќе од 50 mg и

-               никел повеќе од 50 mg.

Обработениот тутун и производите од тутун не треба да содржат резидуи од активните супстанции на фитофармацевтски производи во количества поголеми од максималните нивоа дадени во Прилог, кој е составен дел на овој правилник.

Начинот и методите на земање на примероци за утврдување на штетните материи од биолошко потекло во обработениот тутун и производите од тутун се вршат согласно членовите 10 и 11 од Правилникот за начинот на спроведување на здравствен преглед и начинот на земање на примероци на тутун над кои се врши фитосанитарен мониторинг.

Прегледот на домашно произведениот и увезениот обработен тутун и производите од тутун и на неговата пропратна документација се врши од страна на државниот земјоделски инспектор.

По извршениот преглед од ставот 1 на овој член, од страна на државниот земјоделски инспектор се земаат примероци за анализа согласно член 3 од овој правилник и составува записник.

Примерокот за анализа, записникот од ставот 2 на овој член, како и барањето за вршење на анализа се доставуваат до акредитирана лабораторија од областа на тутунот најдоцна до 48 часа од времето на земање на примерокот.

Прегледот и земањето примероци за анализа на обработениот тутун и производите од тутун согласно член 3 од овој правилник, се врши во присуство на овластено/вработено лице од страна на извозникот/увозникот на обработениот тутун, домашниот производител и/или увозникот на производите од тутун кое определува лица кои ќе вршат помошни дејствија при земањето на примероците.

Штетните материи и другите загадувачи/контаминенти (физички, хемиски и биолошки) во земените примероци на обработениот тутун и производите од тутун се утврдуваат во акредитирана лабораторија за анализа на штетни материи и други загадувачи/контаминенти (физички, хемиски и биолошки) во обработе- ниот тутун и производите од тутун, која е акредитира на согласно стандардот ISO 17025.

Акредитираната лабораторија по извршената анализа изготвува извештај од тестирањето и истиот го доставува до државниот земјоделски инспектор, до извозникот/увозникот на обработениот тутун, домашниот производител и/или увозникот на производот од тутун.

Овој правилник влегува во сила наредниот ден од денот на објавувањето во „Службен весник на Република Северна Македонија“.

Бр. 29-1713/2                                              Министер за земјоделство,

28 март 2023 година                        шумарство и водостопанство,

Скопје                                                              Љупчо Николовски, с.р.