Врз основа на членот 75, ставови 1 и 2 од Уставот на Република Северна Македонија, претседателот на Република Северна Македонија и претседателот на Собранието на Република Северна Македонија издаваат
У К А З
ЗА ПРОГЛАСУВАЊЕ НА ЗАКОНОТ ЗА ИЗМЕНУВАЊЕ И ДОПОЛНУВАЊЕ НА ЗАКОНОТ ЗА
ФИНАНСИСКИТЕ ДРУШТВА(*)
Се прогласува Законот за изменување и дополнување на Законот за финансиските друштва(*), што Собранието на Република Северна Македонија го донесе на седницата одржана на 18 јули 2023 година.
Бр. 08-3790/1 Претседател на Република
18 јули 2023 година Северна Македонија,
Скопје Стево Пендаровски, с.р.
Претседател
на Собранието на Република
Северна Македонија,
м-р Talat Xhaferi, с.р.
З А К О Н ЗА
ИЗМЕНУВАЊЕ И ДОПОЛНУВАЊЕ НА ЗАКОНОТ ЗА ФИНАНСИСКИТЕ ДРУШТВА (*)
Член 1
Во Законот за финансиските друштва („Службен весник на Република Македонија” број 158/10, 53/11, 112/14, 153/15 и 23/16 и „Службен весник на Република Северна Македонија” број 173/22), во член 2 во ставот (2) по зборот „друштва” се додаваат зборовите: „и законот кој ја регулира стечајната постапка”.
По ставот (3) се додава нов став (4), кој гласи:
„(4) На договорите за потрошувачки кредит се применуваат одредбите од Законот за заштита на потрошувачите при договори за потрошувачки кредити, доколку со овој закон поинаку не е уредено.”.
