Стопанската комора на Северна Македонија во соработка со Академијата D.R Gilbert Centar Group DOO од Белград, Р.Србија на 26 септември 2023 година организираше еднодневен специјалистички семинар на тема: X ФАКТОР ВО ПРОДАЖБА - КОНЦЕПТ НА ОДРЖЛИВА ПРОДАЖБА- .
Целта на семинарот беше учесниците на најсофистициран начин да го совладаат концептот на одржлива продажба, следејќи и совладувајќи неколку модули:
- Модул 1 – Како да креирате продажен пристап со кој континуирано ќе продавате?
- Модул 2 – Како ефикасно да се управува со преговарачкиот процес?
- Модул 3 – Како да се креира извонредно купувачко/потрошувачко искуство?
- Модул 4 – Како да го доведете купувачот/потрошувачот во фаза “верник“, кога и ќе стане ваш најголем потрошувач и промотер на вашите производи и вредности?
Семинарот беше преплетен со безброј примери од пракса и споделени искуства од предавачот Драгиша Ристовски,кој во работните кругови е познат како енергичен предавач, кој на своите семинари и тренинзи со својата позитивна енергија постојано го задржува вниманието и ги мотивира слушателите. Драгиша Ристовски (D.R Gilbert), е со повеќе од 26-годишно практично работно искуство на различни позиции – од комерцијалист на терен до директор. Како тренер за работни вештини почнува да работи од пред 16 години, а денес е експерт за директна продажба, преговарање, мотивација на вработените и за лидерство. Автор е на 24 книги поврзани за продажни и лидерски вештини, меѓу кои и неколку бестселери.
Основач е и директор на D.R Gilbert Centar Group DOO D.R Gilbert Consulting и HR Professional Solution. Постојано работи на унапредување на продажбата во повеќе реномирани компании низ регионот. Во текот на својата кариера одржал повеќе од 3.000 семинари, обуки и предавања во сите поранешни југословенски републики, на кои учествувале повеќе од 60.000 слушатели
