м-р Марта Наумовска Грнарова, извршен директор на Завар Компани, позната и како регионален лидер во женското претприемништво во метален сектор по нејзиниот пристап воден од иновативност во стратешкиот развој на компанијата. Наумовска Грнарова своите знаења ги стекнува во повеќе земји, магистер е по машинско инженерство, носител е на неколку патенти и добитни на бројни светски награди за дизајн.

Основач е на брендот Завар Дизајн (Zavar Design) кој ја покажува посветеноста во развивањето на високо технолошки производи и глобална продажба. Основач е на МАМЕИ – Македонска асоцијација на метална и електро индустрија.

Петар Лазаров е маркетинг, брендинг, продажен консултант и тренер. Се смета како “3та генерација” обучувачи кои не се само теоретичари, ниту и само практичари, туку (3та) кои имаат развиено своја авторска перспектива и уникатен теоретски и практичен пристап во пренесување на своите искуства и знаења.

Главен интерес и специјалност му се развој на бизниси и компании, развој напродажните и маркетинг вештини на тимовите, како и развој на брендови и нивно пласирање на интернационалниот пазар. 

Покрај тоа што има работено со некои од најголемите компании во Македонија ипошироко, тој беше дел од тимовите и главен креатор на некои од брендовите во Македонија кои направија револуција на интернационалниот пазар. Дел е од тимот што го креираше MAMA'S, линија на традиционални домашни рецепти кои се продаваат во повеќе до 40 земји, и со кои успеаа да ја револуционизираат и подигнат целата конзервна индустрија во МК во глобала. Главен протагонист на проектот NO BULL…линија на кондиторски производи и бренд кој беше наменет само за пазарто во САД. Дополнително тој е еден од авторите на TIP OF THE WEEK™, прирачникот за личен и професионален развој, кој е продаден во повеќе од 15.000 копии во светот.

Д-р Ива Дујак Ѓурѓиќ е доктор на економски науки отсек маркетинг, и основач и главен извршен директор на маркетинг агенцијата MOVEMENT. Со повеќе од 15 години работно искуство во традиционалниот и дигитален маркетинг, има осмислено и реализирано успешни маркетинг стратегии и кампањи за бројни локални и светски брендови како Porsche, Philips, Amstel и многу други. Автор на наградуваните блогови This is Not a Social Meda Blog и Skopje Casual, организатор на Creative Talks Mk, со искуство во предавање на тема маркетинг и дигитален маркетинг на Економскиот Факултет Скопје, Економски Факултет Штип, бројни невладини организации и академии.