Со Законот за финансиска поддршка во рибарството и аквакултурата се преземаат одредби од регулативите: (ЕУ) бр. 2021/1060, 2021/1139, 2022/2473 со што се постигнува правна рамка за нивно спроведување (имплементација), како и подобрување на националното законодавство во деловите каде е утврдена негова потреба. Целите на предлог Законот треба да придонесат за постигнување на целите утврдени во член 3 од Законот за рибарство и аквакултура, односно

 

1) Управување со рибите и другите водни организми на начин со кој се постигнува економска и општествена придобивка, зголемен број на вработувања и придонес кон достапноста на снабдувањето со храна;

2) Користење на рибите и другите водни организми по принципот на одржливо користење кој допринесува за зачувување на биодиверзитетот и еколошкиот пристап на риболовните води и

3) Развој на одржливи активности во аквакултурата и промоција на здрава, висококвалитетна храна без негативно влијание на животната средина.